فتاه يتيمة تخاطب أبيها المتوفي وتتمنى وجوده
( حبيب الروح )
يبه تعال انا ابيك
يبه روحي تناديك
يبه تكفى تعال ارجع
يبه غيابك ترى يوجع
يبه ضمني على صدرك
يبه محتاجه لعطفك
يبه هالدنيا ماترحم
يبه هالناس ماتشبع
يبه وينك اناديك
يبه ليكون ماتسمع
*****
يبه بشكي انا همي
يبه يالله تعال يمي
يبه بحكي عن أيامي
عن أوجاعي وألامي
عن حزن سكن فيني
حطم باقي أحلامي
يبه ياقطعه من قلبي
خذاه الموت غصب عني
******
يبه يازينها أيامك
دفئ حضنك وضحكاتك
يبه من يقدر يعوضني
بعدك ونار حرمانك
يبه وشلون علمني
أعيش الدنيا من دونك
يبه وشلون أنا بصبر
وقلبي ماقوى فراقك
*******
يبه أنا الخوف لازمني
وعيني النوم مجافيها
يبه أنا والله مابي
حياتي وأنت مو فيها
يبه يالله تعال يمي
وعيد لدنياي ماضيها
وكحل ناضري بشوفة
حبيب الروح وغاليها
*******
السبت مارس 14, 2009 12:32 pm